هاشتاق عربي – إبراهيم المبيضين
تناول مستخدمو الفيسبوك في الاردن يوم امس موضوعة زواج الأمير هاري حفيد ملكة إنجلترا اليزابيث الثانية من الممثلة الأمريكية ميغان ماركل، ليتصدر هذا الحدث صفحات الاردنيين على الشبكة الاجتماعية وبروح غلب عليه طابع الفكاهة والدعابة.
واستحوذ العرس البريطاني الملكي على اهتمام مستخدمي الفيسبوك في الاردن في ثالث ايام شهر رمضان المبارك، حيث علق المستخدمون على جميع تفاصيل الزفاف وملابس ومكياج العروس الذي اتسم بـ ” البساطة” وقصة الزواج الذي اصبح به هاري” و ” ماركل” أحدث زوجين في العائلة الملكية البريطانية العريقة.
وتابع الاردنيون مراسم الزفاف ونقلوا صوره اولا باول مع منشورات وتعليقات لم تخل من وروح الدعابة والفكاهة التي اصبحت ظاهرة يتسم بها سلوك الاردنيين على شبكات التاصل الاجتماعي : في كل الاحداث العالمية والعربية والمحلية …. الاجتماعية والاقتصادية والرياضية حتى تناول يوم امس الاحتفال الكبير الذي جرى في قلعة وندسور التاريخية.
يوم امس تبادل العروسان : هاري وماركل عهود الزواج وارتديا الخواتم، في مشهد عاطفي باسم تابعه الملايين حول العالم، وبحضور الملكة إليزابيث و600 مدعو في كنيسة القديس سان جورج.
رسام الكاريكاتير الاردني عمر العبدلات كتب على صفحته الفيسبوكية يوم امس : ” الف مبروك لسمو الامير هاري أمير القلوب و لستي ميغان ….. بالرفاه والبنين …… ملاحظة: تم إرسال النقوط عن. طريق ويسترن ينويون”.
وكتب العبدلات منشورا اخر لم يخل من روح الفكاهة ، قال فيه : ” أني سمعت زغاريد في العرس الامير هاري وميغان.
في عرس اولادهم رح نسمع إطلاق أعيرة نارية”.
وعلقت الناشطة ديمة العياصرة حول تناول الاردنيين للحدث على الفيسبوك قائلة : ” اكلتوا راسنا بأمير بريطانيا ومرته، مافي سالفه إلا لازم نسولف فيها……. ماي فالورز بستنوا رأيي، ييي معقول يصير اشي بالكوكب وما أحكي فيه؟؟”.
وكتب المستخدم محمد ارشيد على صفحته الفيسبوكية : ” عريسنا زين الشباب .. وزين الشباب عريسنا ….. اسم الله عالعريس اسم الله عليه ……. ما حدا قده واصحابه حواليه ……الف مبروك يا اخوي يا هاري وبالرفاه والبنين ..
الأمير هاري بشكر الشعب الأردني على التغطية المباشرة لعرسه وبقلكم : يخلف عاللي نقط وما نقط ..
ملاحظة عالهامش: نص كمية المكياج بآخر عرس حضرته…….ما انحطت في كل اعراس العائله البريطانيه الحاكمة ..”.
وكتبت الزميلة الاعلامية فرح عبندة على صفحتها الفيسبوكية : ” عزيزتي ميغان ماركل .. بعد التحية والمباركات .. الله يهديكِ يختي حطي سورة البقرة بالدار اليوم لانه على كمية العين الاي نطرقتيها باذن الله ما “بتربعني” مع المحروس هاري”.
وعلقت الناشطة الاجتماعية دانا القصاص على الحدث وقالت : ”اللهم ارزقنا ثروة إليزابيث وجمال ديانا وطلة كيت وحظ ميغان”
ونقلت وكالة ” البي بي سي” تفاصيل الحدث العالمي وذكرت بان العروس ارتدت فستان الزفاف الأبيض قارب الرقبة، للمصممة البريطانية كلير ويت كيللر من بيت أزياء جيفنشي، و
وحضر الزفاف عددا من نجوم العالم في مختلف المجالات منهم، المذيعة الأمريكية الشهيرة أوبرا وينفري، والنجم الأمريكي جورج كلوني وزوجته المحامية أمل علم الدين، ولاعب الكرة البريطاني ديفيد بيكهام وزوجته المغنية فيكتوريا بيكهام، والمغني السير ألتون جون، والذي قدم أغنية استقبال الزفاف في وقت لاحق.
الزميلة الاعلامية رانيا تادرس كتبت على صفحتها الفيسبوكية : ” الزفاف الملكي زواج الامير هاري ابن ديانا والممثلة الامريكية ميغان ماركل …… ابداع الاعلام في نقل التفاصيل …… اللافت طريقة التعارف كان بترتيب من صديق مشترك عام ٢٠١٦ …..الامير لم يحضر مسلسل زوجته الشهير ……ميغان لم تعش حياتها الاسرية مع اب وام بل كانا مطلقان . وهي مطلقة اساسا متزوجة سابقا متي سنصل الى هذا الرقي والوعي الفكري والثقافي …..الاعلام البريطاني والأمريكي يتحدث عن التفاصيل وينقل لك الحدث وقصة الحب والاصول والتفاصيل كاملة بعدم حضور اب العروس بسبب مرضه . تفاصيل ثرية تشبع فضول المتابعين …..المختصر اعلام مهني صعب نصل الى احترافية هذا الاعلام السبب صعوبة الوصول المعلومة وحظر النشر …..بالمختصر اجتمعت عراقة الملكية البريطانية مع بريق هوليود الامريكي “.
وكتبت المستخدمة فرح البداوي على صفحتها الفيسبوكية متسائلة : ” مين عم يحضر عرس الامير هاري ؟؟شفتو بساطة فستان العروسة الممثلة مِيَجِن ؟!”.
وقالت المستخدمة بتول المبيضين على صفحتها الفيسبوكية ” العروس من اصول أفريقية ….. هون بقول الك ماخذة سمرا او …. العروس مطلقة …..هون بقولو يا حرام عزابي لازم يؤخذ واحدة وكالة….. العروس اكبر منه بثلاث سنوات …..هون بقولو بكرة بتختير قبله و بروح بتجوز عليها….. العروس عمرها ٣٧ سنة ……هون بقول معها بس وقت قليل تلحق تخلف واحد او اثنين…. العريس بس أمير و بكفي …..”.
ووفقا لوكالة ” البي بي سي” : سار خلف العروس 10 وصيفات شرف وصبيان شرف، من بينهم الأمير جورج والأميرة شارلوت، أبناء الأمير وليام وكيت ميدلتون، كما ارتدت أيضا تاج الملكة ماري الماسي على شكل عصابة رأس، أقرضته إياها الملكة إليزابيث لحضور مراسم الزواج به، وصممت كلير ويت كيللر فستان الزفاف الأبيض الذي يظهر تفاصيل الجسم، لصالح دار الأزياء الفرنسية جيفنشي، واكتملت أناقة العروس بطرحة امتدت حتى خمسة أمتار خلفها وتم تزيينها بأزهار بعدد جميع بلدان الكومنولث.
وكتبت المستخدمة نورة فريحات معلقة على الحدث : ” أكبر منه بـ ثلاث سنين وأصلها افريقي ، ومتزوجة ومطلقة ، وما معها مصاري …. حتى ما بتعرفش تستخدم المكياج ، وبعد كل هاذ إتزوجت امير بريطاني وتكلفة العرس تقريباً 45 مليون دولار صحتين…… و ابو كرش بدو واحده شقرا وطويله و عيونها زرق و ناعمه وبتحكي هلا و موظفه و عندها سياره و هو زي صحن المجدره وعليه كم قضيه وكرشه ناط و رجليه عوج”.
وقالت المستخدمة اية القزاز عن الحدث : ” بغض النظر عن فستان العروس اللي لفت نظري من اول ما شفته و طلتها اللي رغم بساطتها كانت مميزة وملفتة، الا انه اليوم هالعيلة الملكية أثبتت للكل إنه الانسان كامل بنفسه اولاً و أخيراً وإنه اصحاب النظرة الفوقية من الاصل مش كاملين وماعندهم ثقة بأنفسهم ومن داخلهم عارفين انهم مش بالصورة اللي بيظهروها قدام الناس وهدول بالذات “شبعوا من بعد جوع” …
اليوم الامير هاري بيتزوج انسانة من عامة الشعب و مو بس هيك هالانسانة أكبر منه بالعمر ومطلّقة ومن أصول افريقية يعني مش من الشقر والبيض وابناء الذوات ولا حكوله لازم تاخدها دكتورة ولا اهلها معهم ولا حكوا انها عملتله سحر ولا وقفوا بوشه وقاطعوه .. لا لا الموضوع كان اسهل بكتير من كل هالتفاهات وهيهم اتزوجوا بكل بساطة وحب وفرح ..
هالعيلة اليوم اعطت درس لكل الدنيا بانه الحب أرقى واعظم من كل الامراض النفسية والطبقية الموجودة عنّا وانه الانسان كامل بنفسه مو بأي شي تاني ..
عنجد أديش هالحياة سهلة و مريحة لو اتقبلنا بعض متل ما نحنا وكل واحد احترم التاني واتقبله متل ما هو بدون ما يطلّع ع اي شي تاني … أديش نحنا بحاجة لهيك نماذج بالوطن العربي لنقدر نتغيّر ونقدّر قيمة بعض ونكون فعلاً أمة من أعظم الامم …
ياريت بس لو الحياة عنّا سهلة متل عندهم والناس عنّا بسيطة متلهم .. ياريت بس …”.
