اختارت شركة تيتانز سبيس الشابة الأردنية سلام أبو الهيجاء لتصبح أول مرشحة رائدة فضاء أردنية.
وقالت الشابة سلام عبر حسابها في فيسبوك:
الحمد لله، بعد سنوات من الحلم والإصرار… أول مرشحة رائدة فضاء اردنية 🇯🇴!
أنا وصغيرة، بوحدة من وحدات كتاب الإنجليزي للصف الثامن، كتبت موضوع تعبير ببين فيه الخطوات بشكل بسيط جدا الي رسمتها لحالي لاوصل لحلمي” ومن يومها، وأنا بحاول اوصل له”.
واليوم… الحمد لله، الحلم اللي كنت بحلم فيه من وأنا صغيرة، اقترب إنه يصير حقيقة.
رسميًا، تم اختياري كأول مرشحة رائدة فضاء أردنية 🇯🇴 – First Jordanian Astronaut Candidate –
لأبدأ تدريب لمدة ثلاث سنوات مع Titans Space Industries Inc.
هاد مش إنجاز إلي لحالي…
هاد إنجاز وطني، إنجاز لكل بنت وشب بالأردن، ولكل حلم عربي قالوله مستحيل.
رح أبدأ تدريبي خلال الأشهر القادمة، استعدادًا لمهمة مدارية تاريخية متوقعة في عام 2029، على مركبة الفضاء Titans Genesis، على ارتفاع 300 كيلومتر فوق سطح الأرض – 5 ساعات خارج الأرض، 3 منها بانعدام الجاذبية.
(تفاصيل أكثر لاحقًا إن شاء الله.)
هاي الرحلة مش رحلة شخصية فحسب… بل هي تمثيل لبلدي الأردن أولًا، وللوطن العربي ثانيًا،
ولكل شاب وشابة آمنوا بأن الطموح لا يعرف المستحيل.
شكرًا من القلب لكل من دعمني ووقف معي وآمن بهذا الحلم، وعلى رأسهم عائلتي, وفريقي في MENA ORG
وشكر خاص وكبير لـ Titans Space Industries Inc. والسيد Neal S. Lachman على هذه الثقة العالية.
القصة لسه في بدايتها…
